வீட்டைப் பதம்பார்த்த தனியார் பஸ்

எஸ்.சதீஸ் 

பொகவந்தலாவ எலிப்பட மேற்பிரிவுத் தோட்டத்திலுள்ள வீடொன்றின் மீது, தனியார் பஸ் மோதியதில் வீடும் பஸ்ஸும் பகுதியளவில் சேதமடைந்துள்ளதாக, நோர்வூட் பொலிஸார் தெரிவித்தனர்.

இச்சம்பவம் இன்று (7) காலை இடம்பெற்றுள்ளது.

எலிப்பட கீழ்ப்பிரிவு தோட்டத்திலிருந்து பாடசாலை மாணவர்களை ஏற்றிவந்த பஸ்ஸே, இவ்வாறு வீட்டின் மோதி விபத்துக்குள்ளாகியது.

இவ்விபத்தில் எவருக்கும் எவ்விதக் காயங்களும் ஏற்படவில்லை என்றும் விபத்துத் தொடர்பில் மேலதிக விசாரணைகளை மேற்கொண்டு வருவதாகவும் பொலிஸார் தெரிவித்தனர்.