விபத்தில் காயமடைந்த இளைஞர்களை காணவில்லை

அகுருவெல்ல-குருகொட ஓயாவுக்கு அருகிலுள்ள பாலத்தில் செவ்வாய்க்கிழமை(13) இடம்பெற்ற மோட்டார் சைக்கில் விபத்தில் காயமடைந்த இளைஞர்கள் இருவரும் காணாமல் போயுள்ளதாக பொலிஸார் தெரிவித்தனர்.

இவ்விபத்தில், ருவன்வெல்லவைச் சேர்ந்த சமிந்த பிரதீப் (வயது 26), அஞ்சுல கஸ்தூரி ஆராய்ச்சி (வயது 21) ஆகியோரே காணாமல்போயுள்ளனர்.

அகுருவெல்ல பிரதேசத்தில் நடைபெற்ற விருந்துபசாரத்தில் கலந்துகொண்டு வீடுதிரும்பியபோது மேற்படி இருவரும் விபத்துக்குள்ளாகியுள்ளனர்.

இவ்விருவரும் பயணித்த மோட்டார் சைக்கிள், பாலத்துக்கு கீழே விழுந்து விபத்துக்குள்ளாகியுள்ளதாக பொலிஸார் தெரிவித்தனர்.