ஹட்டன் ஓயாவிலிருந்து பெண்ணின் சடலம் மீட்பு

எஸ்.கணேசன்

ஹட்டன் - ஸ்டிதரன் தோட்டம், புருட்ஹில் பிரிவில் உள்ள மகாவலி கங்கைக்கு நீர்வழங்கும் கிளை ஆறான ஹட்டன் ஓயாவிலிருந்து பெண்ணின் சடலமொன்று, இன்று (07) காலை மீட்கப்பட்டதாக ஹட்டன் பொலிஸார் தெரிவத்தனர்.

பிரதேசவாசிகள் வழங்கிய தகவலுக்கு அமையவே சடலம் பொலிஸாரால் மீட்கப்பட்டுள்ளது.

மீட்கப்பட்ட பெண் நீரில் அடித்துக் கொண்டு வந்து உயிரிழந்தாரா அல்லது எவராவது கொலை செய்து ஆற்றில் வீசிச் சென்றார்களா என பல கோணங்களில் பொலிஸார் விசாரணைகளை முன்னெடுத்துள்ளனர்.

மீட்கப்பட்ட சடலம், இதுவரை யாருடையது என அடையாளம் காணப்படவில்லை. சுமார் 50 – 60க்கும் இடையிலான வயது மதிக்கதக்க பெண் எனவும் மேலதிக விசாரணைகளை தொடர்வதாகவும் ஹட்டன் பொலிஸார் தெரிவித்தனர்.

மரண விசாரணைகளின் பின் சடலம் வைத்திய பரிசோதனைக்காக டிக்கோயா கிளங்கன் மாவட்ட வைத்தியசாலைக்கு அனுப்பி வைக்கப்படவுள்ளதாக பொலிஸார் மேலும் தெரிவித்தனர்.