ஹட்டன் குயில்வத்தையில் விபத்து

எம்.கிருஸ்ணா

ஹட்டன் - கொழும்பு பிரதான வீதி, குயில்வத்தைப் பகுதியில், லொறியொன்றுடன் ஓட்டோவொன்று மோதி விபத்துக்கு உள்ளாகியுள்ளதாக, ஹட்டன் பொலிஸார் தெரிவித்தனர்.

குயில்வத்தையிலிருந்து கினிகத்தேனைக்குப் பயணித்த ஓட்டோ ஒன்றே, கினிகத்தேனையிலிருந்து ஹட்டனுக்குப் பயணித்த லொறியுடன் மோதி, நேற்று  (8) மாலை விபத்துக்குள்ளாகியுள்ளது.

ஓட்டோவில் ஏற்பட்ட இயந்திரக் கோளாரே இவ்விபத்துக்குக் காரணம் என்று பொலிஸார் தெரிவித்தனர்.

விபத்தினால் எவருக்கும் உயிராபத்துக்கள் ஏற்படவில்லை என்றும் எனினும் ஓட்டோ சேதமடைந்துள்ளதாகவும் பொலிஸார் தெரிவித்தனர்.

இவ்விபத்துத் தொடர்பில், பொலிஸார் மேலதிக விசாரணைகளை மேற்கொண்டு வருகின்றனர்.