வாகன விபத்தில் 15 வயது மாணவன் பலி

(மொஹொமட் ஆஸிக்)

கண்டி - மாத்தளை வீதியில் அக்குறணை நகரில் இன்று சனிக்கிழமை காலை இடம் பெற்ற வீதி விபத்தொன்றில் பாடசாலை  மாணவர்  ஒருவர் ஸ்தலத்திலேயே உயிரிழந்ததுடன் மற்றுமொரு இளைஞன் கடும் காயங்களுக்குள்ளாகியுள்ளார். விபத்தில் உயிரிழந்தவர் 15 வயதான  பாடசாலை மாணவன் பொஹமட் ஸஹ்ரான் என்பவராவார். இவர் அக்குறணை பாடசாலையொன்றில் 10 ஆம் தரத்தில் கல்வி கற்பவர் ஆவார்.

அக்குறணை மாத்தளை வீதியில் இவ்விருவரும் இரண்டு மோட்டார் சைக்கிள்களில் சென்று கொண்டிருந்த போது எதிரில் வந்த பஸ் ஒன்றில் மோதியுள்ளனர்.

இவ்விபத்தில் உயிரிழந்த இளைஞனின் சடலம் தற்போது அக்குறணை ஸியா வைத்தியசாலையில் வைக்கப்பட்டுள்ளது. கடும் காயத்துக்குள்ளாகியுள்ள இளைஞர் கண்டி போதனா வைத்திய சாலையில் தீவிர சிகிச'சை பிரிவில் அனுமதிக்கப்பட்டுள்ளார்.

இம்மரணம்  சம்பந்தமாக மரண விசாரணை இன்று மாலை நடைபெறவுள்ளது. மேலதிக விசாரனைகள் கட்டுகஸ்தோட்டை பொலிஸார் மேற்கொள்கின்றனர்.