200 அடி பள்ளத்தில் குடைசாய்ந்து ஓட்டோ விபத்து

எம்.கிருஸ்ணா

ஹட்டன் - பொகவந்தலாவை பிரதான வீதி, டிக்கோயா கிளங்கன் வைத்தியசாலைக்கு அருகில், இன்று (10) அதிகாலை சுமார் 200 அடி பள்ளத்தில் வீழ்ந்து ஓட்டோவொன்று குடைசாய்ந்து விபத்துக்குள்ளாகியுள்ளது.

சாரதிக்கு ஏற்பட்ட நித்திரைக் கலக்கமே, இவ்விபத்துக்குக் காரணம் என்று நோர்வூட் பொலிஸார் தெரிவித்தனர்.

ஓட்டோ சாரதி தெய்வாதீனமாக உயிர்தப்பியுள்ளார் என்றும் ஓட்டோ முழுமையாக சேதமடைந்துள்ளதாகவும் பொலிஸார் தெரிவித்தனர்.

விபத்துத் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.