புதிய ரக துப்பாக்கியுடன் ஒருவர் கைது

(மொஹமட் ஆஸிக்)

கண்டி பொலிஸார் மேற்கொண்ட விசேட சோதனை நடவடிக்கையின் போது புதிய ரக கைத்துப்பாக்கியொன்றுடன் சந்தேக நபர் ஒருவரை நேற்று திங்கட்கிழமி மாலை கைது செய்துள்ளனர்.

கண்டி பொலீஸார் மேற்கொண்ட விசேட நடவடிக்கையின் போது கட்டுகஸ்தோட்டை நகரில் வைத்தே இச்சந்தேகநபர் கைது செய்யப்பட்டுள்ளார்.

தான் அத்துப்பாக்கியை மஹாவலி ஆற்றில் வீசுவதற்கு எடுத்துச் சென்றதாக அவர் பொலிஸாரிடம் தெரிவித்துள்ளார்.

இது தொடர்பான மேலதிக விசாரணைகளை கண்டி பொலிஸார் மேற்கொண்டு வருகின்றனர்.