அம்பியுலன்ஸிலிருந்து எரிபொருள் திருடிய இருவர் கைது

-மொஹொமட் ஆஸிக்

தம்புள்ளை பிரதான வைத்தியசாலைக்கு சொந்தமாக அம்பியுலன்ஸிலிருந்து எரிபொருள் திருடிய இருவரை திங்கட்கிழமை (25) கைது செய்துள்ளதாக தம்புள்ளை பொலிஸார் தெரிவித்தனர்.

தம்புள்ளை வைத்தியசாலையின் அம்பியுலன்ஸிலிருந்து எரிபொருளை திருடுவதாக நேற்றுமுன்தினம் திங்கட்கிழமை இரவு 11 மணியளவில் பொலிஸாருக்கு கிடைத்த தகவலையடுத்து குறித்த இடத்துக்கு விரைந்த  பொலிஸார் சந்தேகநபர்கள் இருவரையும் கைது செய்துள்ளனர்.

குறித்த அம்பியுலன்ஸின் சாரதியும் உதவியாளருமே இவ்வாறு கைது செய்யப்பட்டுள்ளனர் என பொலிஸார் தெரிவித்தனர்.

தம்புள்ளை பொலிஸ் நிலைய பொறுப்பதிகாரி சாரானாத் சமரகோன் உட்பட பொலிஸ் அதிகாரிகள் இது குறித்த மேலதிக விசாரணைகளை மேற்கொண்டு வருகின்றனர்.