விவசாய உபகரணங்கள் வழங்கும் நிகழ்வுக்கு தடை

மாத்தளையில் விவசாய உபகரணங்கள் வழங்கும் நிகழ்வுக்கு தேர்தல் ஆணையாளர் மஹிந்த தேசப்பிரிய தடை விதித்துள்ளார்.

ஐக்கிய மக்கள் சுதந்திர கூட்டமைப்பின் மாத்தளை மாவட்ட உறுப்பினரும் சட்டத்தரணியுமான லக்ஷ்மன் வசந்தபெரேரா,  மத்தளை, அளுவிகாரையில் வைத்து விவசாயிகளுக்கு உபகரணங்களை வழங்க முயற்சித்துள்ளார்.

இச்சம்பவம் செவ்வாய்க்கிழமை(6) மாலை, மாத்தளையில்   இடம்பெற்றுள்ளது.

மாத்தளை மாவட்ட அரசாங்க அதிபர் த அல்விஸ் வழங்கிய தகவலுக்கமைய, தேர்தல் ஆணையாளரால் இந்நிகழ்வு தடுத்து நிறுத்தப்பட்டுள்ளமை குறிப்பிடத்தக்கது.