மதுபானசாலைக்கு சீல்: விற்பனையாளர் கைது

ரஞ்சித் ராஜபக்ஷ, மு.இராமசந்திரன்

நாடாளவிய ரீதியில் முன்னெடுக்கப்பட்டுவரும் மது ஒழிப்பு வார்த்தில் மதுபானத்தை விற்பனை செய்த மதுபானசாலைக்கு ஹட்டன் பொலிஸார் இன்று வெள்ளிக்கிழமை சீல் வைத்துள்ளதுடன் விற்பனையில் ஈடுபட்டவரையும் கைதுசெய்துள்ளனர்.

ஹட்டன் பொலிஸ் பிரிவுக்குட்பட்ட டிக்கோயா பிரதான நகர சந்தியிலுள்ள மதுபானசாலையே இவ்வாறு சீல் வைக்கப்பட்டுள்ளது.

மேற்படி நபரை நீதிமன்றத்தில் ஆஜர்படுத்துவதற்கான நடவடிக்கைகளை பொலிஸார் மேற்கொண்டு வருகின்றனர்.