மாணவியை துஷ்பிரயோகம் செய்ய முயற்சித்த அதிபர், ஆசிரியருக்கு விளக்கமறியல்

மொஹொமட் ஆஸிக்

கண்டி, கண்ணொருவ பிரதேசத்திலுள்ள பாடசாலை ஒன்றில் கல்விபயிலும் மாணவியை துஷ்பிரயோகத்துக்கு உட்படுத்த முயன்ற பாடசாலையின் அதிபர்,  ஆசிரியரை எதிர்வரும் 30ஆம் திகதி வரை, விளக்கமறியலில் வைக்குமாறு கண்டி, பிரதான நீதவான் எம்.ஏ. வசந்தகுமார், புதன்கிழமை (22) உத்தரவிட்டார்.

மாணவியின் பெற்றோர் மத்திய மாகாண சிரேஷ்ட பிரதி பொலிஸ் மா அதிபரிடம் முறையிட்டதையடுத்து,  பேராதனை பொலிஸார் மேற்படி இருவரையும் புதன்கிழமை (22) கைதுசெய்து நீதிமன்றில் ஆஜர்படுத்தியபோதே நீதவான் மேற்படி உத்தரவை பிறப்பித்தார்.

பேராதனை கிரிபத்கும்புர பிரதேசத்தை சேர்ந்த அதிபர் மற்றும் கண்ணொருவ பிரதேசத்தைச் சேர்ந்த ஆசிரியருமே இவ்வாறு கைதுசெய்யப்பட்டுள்ளனர்.