அலைபேசிகளை திருடிய நபர் கைது

-எம்.இஸட்.ஷாஜஹான்

4 இலட்சம் ரூபாய் பெறுமதியான நவீன ரக  அலைபேசிகளை திருடிய நபர் ஒருவரை, நேற்று  (07) கைது செய்துள்ளதுடன், அவரிடம் இருந்து  24 அலைபேசிகளை மீட்டுள்ளதாகவும் நீர்கொழும்பு குற்றத் தடுப்புப் பிரிவு பொலிஸார்,  தெரிவித்தனர்.

நீர்கொழும்பு, பெரியமுல்லை, சாந்த அந்தோனியார் வீதியைச் சேர்ந்த 44 வயதுடைய சுரங்க சம்பத் குமார என்பவரே இவ்வாறு கைது செய்யப்பட்டுள்ளார்.

செல்லிடத் தொலைபேசிகளை விற்பனை செய்யும் விற்பனை முகவர் ஒருவரிடம் இருந்தே, குறித்த நபர், 24 அலைபேசிகளை கொள்ளையடித்துச் சென்றுள்ளார்.

இது தொடர்பில் செய்யப்பட்ட முறைப்பாட்டுக்கமைய, விசாரணைகளை முன்னெடுத்த பொலிஸார், குறித்த நபரை கைது செய்துள்ளனர்.