களுத்துறை துப்பாக்கிச்சூடு நாளை களவிசாரணை

களுத்துறை சிறைச்சாலை பஸ் மீது மேற்கொள்ளப்பட்ட தாக்குதல் தொடர்பில், விசாரணைகளை மேற்கொள்ள நியமிக்கப்பட்ட குழு நாளை, சம்பவம் இடம்பெற்ற இடத்துக்குச் செல்லவுள்ளனர்.

கடந்த 27ஆம் திகதி காலை, களுத்துறை சிறைச்சாலை பஸ் மீது இனந்தெரியாத சிலர், துப்பாக்கிப் பிரயோகம் மேற்கொண்டனர். இதில், 7 பேர்  உயிரிழந்ததோடு, இது குறித்து விசாரணைகளை மேற்கொள்ள, சிறைச்சாலைகள் அமைச்சினால் மூவரடங்கிய குழுவொன்று நியமிக்கப்பட்டது.

மேலும், குறித்த குழுவினர் கடந்த ஞாயிற்றுக்கிழமை கூடி, ஆரம்பகட்ட விசாரணைகளை முன்னெடுத்த நிலையில், நாளைய தினம், சம்பவ இடத்துக்குச் சென்று, விசாரணைகளை மேற்கொள்ளவுள்ளனர்.

இ​ரண்டு மாதங்களினுல் இந்த விசா​ரணையை முடித்து, இறுதி அறிக்கையை ஒப்படைப்பதாக சிறைசாலைகள் அமைச்சு ​தெரிவித்துள்ளமை குறிப்பிடத்தக்கது.