தமிழ் ஊடகவியலாளர் ஒன்றியத்தின் இணையத்தள அங்குரார்ப்பணம் நாளை

தமிழ் ஊடகவியலாளர் ஒன்றியத்தின் இணையத்தள அங்குரார்ப்பண நிகழ்வு, கொழும்புத் தமிழ்ச்சங்க சங்கரப்பிள்ளை மண்டபத்தில் நாளை செவ்வாய்க்கிழமை (15) மாலை 5.30க்கு இடம்பெறவுள்ளது.

ஒன்றியத் தலைவர் அ.நிக்ஸன் தலைமையில் நடைபெறும் இந்த நிகழ்வில் மொறீசியஸின் முன்னாள் தூதுவரும் பிரபல தொழிலதிபருமான ஈஸ்வரன், பிரதம அதிதியாகக் கலந்துகொண்டு உரையாற்றவுள்ளார்.

இந்த நிகழ்வில் எழுத்தாளர் உமா வரதராஜன், உழைக்கும் பத்திரிகையாளர் சங்கத்தின் தலைவர் லஸந்த ருகுணுகே ஆகியோர் சிறப்புரை ஆற்றவுள்ளனர்.

நிகழ்வை இராமானுஜம் நிர்ஷன் தொகுத்து வழங்குவார்.

ஒன்றியத்தின் உறுப்பினர்கள் உட்பட அனைவரையும் இந்த நிகழ்வில் கலந்துகொள்ளுமாறு தமிழ் ஊடகவியலாளர் ஒன்றியத்தின் செயற்குழு அழைப்பு விடுத்துள்ளது.