புதிய திரைப்படம் கொலன்னாவ சம்பவம் தொடர்பானதா? : தயாரிப்பாளரிடம் விசாரணை

(சுபுன் டயஸ்)

பிரபல சினிமா, தொலைக்காட்சி தயாரிப்பாளரும் வர்த்தகருமான உபுல் ஜயசிங்கவின் தயாரிப்பில் திரைக்கு வரவுள்ள 'ஏத்துமாய் மேத்துமாய்'  சிங்கள திரைப்படம்  கொலன்னாவ சம்பவத்தை அடிப்படையாக வைத்து தயாரிக்கப்பட்டதாக என அவரிடம் இனந்தெரியாத நபர்கள் இருவர் விசாரித்துள்ளனர்.

இது தொடர்பாக அவர் டெய்லி மிரருக்கு கூறுகையில்,  துனது தனது ஜீப்பை பன்னிபிட்டிய வீதயில் நிறுத்திவிட்டு பத்திரிகைகளை வாசித்துக்கொண்டிருந்தபோது மோட்டார் சைக்கிள்களில் வந்த இருவர் இத்திரைப்படம் குறித்து கேள்வி எழுப்பியதாக தெரிவித்தார்.

'கொலன்னாவ சம்பவத்திற்கும் இத்திரைப்படத்திற்கும் தொடர்பு எதுவுமில்லை எனவும் இத்திரைப்படத்தின் படப்பிடிப்பு கடந்த ஆகஸ்ட் மாதம் இடம்பெற்றது எனவும் நான் கூறினேன். அவர்கள் மோட்டார் சைக்கிள்களை எனது ஜீப்பின் பின்னால் நிறுத்தினர். அவர்களில் ஒருவர் இத்திரைப்படம் குறித்து விசாரித்தார்.

திரைப்படத்தை பார்த்த பின்னர் தேவையானால் மீண்டும் வருவோம் என கூறினார்கள். அவர்கள் பெரும்பாலும் கொட்டாவையிலுள்ள எனது வீட்டிலிருந்து என்னை பின்தொடர்ந்திருக்க வேண்டும்' என்றார்.

இச்சம்பவம் குறித்து தான்  மிரிஹான பொலிஸ் நிலையத்தில் புகார் செய்துள்ளதாகவும் அவர் தெரிவித்தார்.

இது குறித்து சிரேஷ்ட பொலிஸ் அத்தியட்சகர் தேசபந்துவின் பணிப்புரையின் கீழ் மிரிஹான பொலிஸார் விசாரணைகளை மேற்கொண்டுவருகின்றனர்.