45 நடன குளிசைகள் சிக்கின

இரவு விடுதிகளில் இடம்பெறும் வைபவங்களில் பங்கேற்போருக்கு விநியோகிப்பதற்காக, கொண்டுவரப்பட்ட போதை மாத்திரைகள் 45ஐ கைப்பற்றியுள்ளதுடன் சந்தேகத்தின் பேரில் ஒருவரைக் கைதுசெய்துள்ளதாக கிராண்பாஸ் பொலிஸார் தெரிவித்தனர்.  

‘நடன குளிசை’ எனும் பெயரிலேயே, இந்தப் போதை மாத்திரைகள் விற்பனை செய்யப்பட்டுவருகின்றன என்றும் பொலிஸார் தெரிவித்தனர். 

இவ்வாறான குளிசையொன்று 4,000 ரூபாய்க்கு விற்பனை செய்யப்படுவதாக அறியமுடிகின்றது. பொலிஸாரினால், நேற்று (19) கைப்பற்றப்பட்ட போதை மாத்திரைகளின் பெறுமதி 1 இலட்சத்து 80 ஆயிரம் ரூபாயாகும் என்று மதிப்பிடப்பட்டுள்ளது என்றும் பொலிஸார் தெரிவித்தனர்.