தீவுப்பகுதிக்கான பஸ்சேவை சீரின்மையால் சிரமம்

யாழ். தீவுப்பகுதி மக்களுக்கான மாலைநேர பஸ்சேவை சீரின்மையால் அப்பகுதி மக்கள் பெரும் சிரமங்களை எதிர்கொண்டு வருகின்றனர்.

தினமும் மாலை 4.30 மணிக்கும் தொடர்ந்து 6.45 மணிக்குமே இலங்கை போக்குவரத்துச் சபையின் பஸ்சேவை இடம்பெற்று வருகின்றது.

இதனால் பயணிகள் நீண்டநேரம் காத்திருக்கவேண்டிய நிலை ஏற்படுவதாக விசனம் தெரிவிக்கப்படுகின்றது.

யாழ்.நகரில் இருந்து குறிகாட்டுவான் மற்றும் ஊர்காவற்றுறைப் பாதை ஊடாக இடம்பெறும் மாலைநேர தனியார் போக்குவரத்துச் சேவைகளும் இடம்பெறாமையால் தாம் சிரமங்களை எதிர்கொள்வதாகப் பாதிக்கப்பட்ட மக்கள் கவலை தெரிவிக்கின்றனர்.