உறவுகளுக்கு உதவும் அமைப்பு 'மண்சுமந்த மேனியர்'

(கர்ணன்)

சுவிஸ் சூரிச் சிவன் கோயில் சைவத் தமிழ்ச் சங்கத்தினால் 'மண்சுமந்த மேனியர்' என்னும் தொனிப்பொருளில் பாதிக்கப்பட்ட உறவுகளுக்கு அன்புக்கரம் கொடுக்கும் அமைப்பின் அங்குரார்பண நிகழ்வு நேற்று வடமராட்சி திக்கம் கலாசார மண்டபத்தில் நடைபெற்றது.

இந்நிகழ்வில் யாழ். குடாநாட்டில் உள்ள யுத்தத்தால் பாதிக்கப்பட்ட தெரிவுசெய்யப்பட்ட 75 மாணவர்களுக்குத் தலா 5,000 ரூபா வீதம் வழங்கப்பட்டது.

அத்துடன் கணவனை இழந்த சுய தொழிலை மேற்கொள்ளும் தெரிவு செய்யப்பட்ட 10 பெண்களுக்கு சைக்கிள்களும் வழங்கப்பட்டன.

யாழ். மாவட்ட நாடாளுமன்ற உறுப்பினர் சுரேஷ் பிரேமச்சந்திரன் இந்நிகழ்வில் விருந்தினராகக் கலந்து கொண்டு இவற்றை வழங்கினார்.