அச்சுவேலியில் விபத்து: ஒருவர் பலி

- செல்வநாயகம் கபிலன், எம். றொசாந்த்  

யாழ். அச்சுவேலி பகுதியில் iஇன்று (10) இரவு இடம்பெற்ற விபத்தில், மோட்டார் சைக்கிளில் பயணித்தவர் சம்பவ இடத்திலேயே உயிரிழந்துள்ளார்.

அச்சுவேலி தெற்கு, நாவற்காடு பகுதியில் இடம்பெற்ற குறித்த விபத்தில் நாவற்குழி ஐயனார் கோயில் பகுதியைச் சேர்ந்த குலேந்திரன் சுஜீவன் (வயது 19) என்பவரே உயிரிழந்துள்ளார்.

யாழ் - பருத்தித்துறை பிரதான வீதியில் வேகமாக சென்ற குறித்த நபர் செலுத்திய மோட்டார் சைக்கிள் வேகக்கட்டுப்பாட்டை இழந்து வீதியோரமாக நடப்பட்டு இருந்த மின்கம்பத்துடன் மோதியுள்ளது. இதன்போது படுகாயமடைந்தவரை மீட்ட பொதுமக்கள் அச்சுவேலி வைத்தியசாலைக்கு கொண்டு சென்ற போதும், சம்பவ இடத்திலேயே அவர் உயிரிழந்ததாக தெரிவிக்கப்பட்டுள்ளது.