அம்புலன்ஸ் மூலம் மருத்துவக் கழிவுகளை அகற்ற முடியாது

வடமாகாண வைத்தியசாலைகளின் மருத்துவ கழிவுகளை அம்புலன்ஸ் வண்டி மூலம் ஏற்றி அகற்றும் நடவடிக்கைகளை உடன் நிறுத்துமாறு வடமாகாண சுகாதார அமைச்சு அறிவித்துள்ளது.

வடமாகாண வைத்தியசாலைகளில் சேரும் மருத்துவ கழிவுகளை அகற்ற அம்புலன்ஸ் வண்டிகளை வைத்தியசாலைகள் பயன்படுத்தி வந்துள்ளன.

அதனால் நோயாளர் காவு வண்டியின் சேவை பாதிக்கப்படுவதுடன், வண்டியின் சுகாதாரமும் பாதிக்கப்படுகின்றது. அதனை கருத்தில் கொண்டு நோயாளர் வண்டிகளில் மருத்துவ கழிவுகளை ஏற்றுவதை உடன் நிறுத்துமாறும் அதற்கு வேறு வண்டிகளை பயன்படுத்த சுகாதார பணிமனைகள் மூலம் ஏற்பாடு செய்து தரப்படும் என வடமாகாண சுகாதார அமைச்சு வைத்தியசாலைகளுக்கு அறிவித்துள்ளது.