அலைபேசி திருடியவர் ஒரு மாதத்தின் பின்னர் கைது

- செல்வநாயகம் கபிலன்

பண்டத்தரிப்பு, சாந்தை பகுதியில் ஒரு மாதத்துக்கு முன்னர் வீடொன்றுக்குள் புகுந்து 16 ஆயிரத்து 500 பெறுமதியான அலைபேசியை திருடிய சந்தேகநபரை புதன்கிழமை (08) கைது செய்ததாக இளவாலைப் பொலிஸார் தெரிவித்தனர்.

கைது செய்யப்பட்டவர் அதே பகுதியைச் சேர்ந்த 30 வயதுடைய நபர் எனப் பொலிஸார் கூறினார்.

வீட்டுக்குள் அத்துமீறிய நபர், மேசையில் வைக்கப்பட்டிருந்த கைபேசியை திருடியிருந்தார். இது தொடர்பில் வீட்டு உரிமையாளரால் இளவாலை பொலிஸில் முறைப்பாடு செய்யப்பட்டிருந்தது. தொலைத்தொடர்பு ஒழுங்குபடுத்தல் ஆணைக்குழுவின் உதவியுடன் விசாரணைகளை மேற்கொண்ட பொலிஸார், சந்தேக நபரை கைது செய்துள்ளனர்.

இது தொடர்பான மேலதிக விசாரணைகளை மேற்கொண்டு வருகின்றனர்.