ஆலயத்துள் வாள்வெட்டு : இருவர் படுகாயம்

எம்.றொசாந்த், எஸ்.நிதர்ஷன், டி.விஜிதா 

நீர்வேலி செம்பாட்டுப் பிள்ளையார் ஆலயத்துள் இருந்த இருவர் மீது நேற்று (07) இரவு வாள்வெட்டுத்தாக்குதல் மேற்கொள்ளப்பட்டுள்ளது என கோப்பாய் பொலிஸார் தெரிவித்தனர்.

அதே இடத்தைச் சேர்ந்த 23 வயதுடைய இரு இளைஞர்கள் மீதே தாக்குதல் மேற்கொள்ளப்பட்டுள்ளது.

தாக்குதலில் படுகாயமடைந்த இரு இளைஞர்களும் யாழ்.போதனா வைத்தியசாலையில் சிகிச்சை பெற்று வருகின்றனர்.

பொலிஸாரல் தேடப்பட்டுவரும் ஆவா குழுவின் முக்கியஸ்தர் வினோத் உள்ளிட்ட 8 பேர் கொண்ட கும்பலே இந்த வாள்வெட்டுத் தாக்குதலை மேற்கொண்டது என பொலிஸார் கூறினர்.

சம்பவம் தொடர்பான மேலதிக விசாரணைகளை முன்னெடுத்து வருவதாக கோப்பாய் பொலிஸார் மேலும் தெரிவித்தனர்.