ஆலோசனைக்காக காத்திருந்த மக்கள்

-எம்.றொசாந்த்

கோப்பாய் பிரதேச செயலகத்தில் இடம்பெற்ற ஜனாதிபதி ஆணைக்குழுவின் அமர்வுகளின்போது, சட்ட ஆலோசனையைப் பெற்றுக் கொள்வதற்காக மக்கள் நீண்ட நேரம் காத்திருந்ததை அவதானிக்க கூடியதாக இருந்தது.

அமர்வுகளின் போது 5 ஆணையாளர்கள் முன்னிலையில் மக்கள் சாட்சியளிப்பதுடன் மக்களுக்கு சட்டஆலோசனை வழங்குவதற்காக 5 சட்ட ஆலோசனையாளர்கள் இருப்பார்கள். சாட்சியம் வழங்கும் மக்கள், சட்ட ஆலோசனையாளர்களிடம் சட்ட ஆலோசனைகளைப் பெற்றுக் கொள்வர்.

எனினும், கோப்பாய் பிரதேச செயலகத்தில் சனிக்கிழமை (27)இடம்பெற்ற அமர்வின்போது சட்ட ஆலோசனையாளர் ஒருவரே ஆலோசனைகளை வழங்கினார்.

இதன்போது, 5 ஆணையாளர்கள் முன்னிலையில் சாட்சியமளித்த பொது மக்கள் சட்ட ஆலோசனையைப் பெற்றுக் கொள்வதற்காக நீண்ட நேரம் காத்திருந்ததை அவதானிக்க கூடியதாக இருந்தது.