இந்திய மீனவர்களுக்கு விளக்கமறியல் நீடிப்பு

செல்வநாயகம் கபிலன்

இலங்கை கடற்பரப்புக்குள் அத்துமீறி நுழைந்து மீன்பிடியில் ஈடுபட்ட குற்றச்சாட்டில் கடந்த 3ஆம் திகதி காரைநகருக்கும் காங்கேசன்துறைக்கும் இடைப்பட்ட பகுதியில் வைத்து கைது செய்யப்பட்ட 8 இந்திய மீனவர்களையும் எதிர்வரும் 23ஆம் திகதி திகதி வரை விளக்கமறியலில் வைக்குமாறு மல்லாகம் மாவட்ட மேலதிக நீதிவான் ரீ.கருணாகரன் வியாழக்கிழமை (17) உத்தரவிட்டார்.

தமிழ்நாடு, இராமேஸ்வரம் பகுதியைச் சேர்ந்த 2 விசைப்படகுகளில் மீன்பிடியில் ஈடுபட்டுக்கொண்டிருந்த 8 மீனவர்களும் கைது செய்யப்பட்டு, யாழ்ப்பாணம் கடற்றொழில் நீரியல் வளத்துறை அதிகாரிகளிடம் ஒப்படைக்கப்பட்டு, அவர்கள் இந்த மீனவர்களை நீதிமன்றத்தில் ஆஜர்ப்படுத்தியிருந்தனர்.