இந்திய மீனவர்கள் நால்வர் கைது

-செல்வநாயகம் கபிலன்

இலங்கை கடற்பரப்புக்குள் அத்துமீறி நுழைந்து மீன்பிடியில் ஈடுபட்ட குற்றச்சாட்டில் இந்திய மீனவர்கள் நால்வர், இன்று  வியாழக்கிழமை (02) அதிகாலை கைது செய்யப்பட்டுள்ளனர்.

நெடுந்தீவுக்கு அண்மித்த கடற்பரப்பில் மீன்பிடித்துகொண்டிருந்த போது, இலங்கை கடற்படையினரால் இவர்கள் கைதுசெய்யப்பட்டுள்ளனர்.

இந்தியாவின் தமிழகம், புதுக்கோட்டை பகுதியிருந்து விசைப்படகு ஒன்றில் மீன்பிடிக்க கடலுக்குச் சென்ற மீனவர்களே இவ்வாறு கைது செய்யப்பட்டுள்ளனர்.

இந்த மீனவர்களை கடற்படையினரிடமிருந்து பொறுப்பேற்று, ஊர்காவற்றுறை நீதிமன்றத்தில் ஆஜர்ப்படுத்துவதற்கான நடவடிக்கைகளை மேற்கொண்டு வருவதாக யாழ். கடற்றொழில் நீரியல் வளத்துறைத் திணைக்கள உதவிப் பணிப்பாளர் பா.ரமேஷ் கண்ணா தெரிவித்தார்.