இரத்த தானம்

-ரஸீன் ரஸ்மின்

இலங்கை வங்கியின் 76ஆவது வருட நிறைவை முன்னிட்டு முள்ளியவளை கிளையும் முல்லைத்தீவு மாவட்ட பொதுவைத்தியசாலையின் இரத்த வங்கியும் இணைந்து ஏற்பாடு செய்த இரத்த தான நிகழ்வு  நேற்று வியாழக்கிழமை வங்கியின் முள்ளியவளை கிளையில் நடைபெற்றது.

இலங்கை வங்கியின் முள்ளியவளை கிளை முகாமையாளர் விஜயரட்ணம் விஜயகுமார் தலமையில் நடைபெற்ற இந்நிகழ்வில்,தண்ணீரூற்று பொதுசுகாதார பரிசோதகர் முஹம்மது ஜெஸ்லி, இலங்கை வங்கியின் முல்லைத்தீவு மாவட்ட கிளைகளிலுள்ள ஊழியர்கள் உள்ளிட்ட பலரும் கலந்துகொண்டனர்.

இதன்போது  27 பேர் இரத்த தானம் செய்தனர்.அத்துடன், இரத்த வங்கிப் பிரிவால் சிறந்த இரத்த கொடையாளர்களுக்கு சான்றிதழ்களும் வழங்கி கௌரவிக்கப்பட்டமை குறிப்பிடத்தக்கது.