இளைஞன் மீது வாள்வெட்டு

-எம்.றொசாந்த்

இணுவில் – கோண்டாவில் காரைக்கால் பகுதியில், நேற்று (02) இளைஞன் ஒருவர் வாள்வெட்டுக்கு இலக்காகி, படுகாயமடைந்த நிலையில், யாழ்ப்பாணம் போதனா வைத்தியசாலையில் அனுமதிக்கப்பட்டுள்ளார்.

இரண்டு தரப்புக்கு இடையே நீடித்து வந்த மோதல், நேற்று (02) இரவு வாள்வெட்டாக மாறியுள்ளதாக, சுன்னாகம் பொலிஸார் தெரிவித்தனர்.

காரைக்காலைச் சேர்ந்த குழு ஒன்று, மற்றொரு குழுவைத் திங்கட்கிழமை (01) தாக்கியுள்ளது. அதற்குப் பழிதீர்க்கும் வகையிலேயே, நேற்று (02) காரைக்காலைச் சேர்ந்த குழு மீது வாள்வெட்டுத் தாக்குதல் நடத்தப்பட்டுள்ளது.

அதில், இளைஞன் ஒருவர் படுகாயமடைந்துள்ளதாக, பொலிஸார் மேலும் தெரிவித்தனர்