உண்ணாவிரத போராட்டத்தில் கருத்து முரண்பாடு

வடமாகாண ஆளுநர் அலுவலகத்தின் முன்பாக தொடர் உண்ணாவிரத போராட்டத்தில் ஈடுபட்டுள்ள தொண்டர் ஆசிரியர்களுக்கும் பொலிஸாருக்கும் இடையில்  முரண்பாடு ஏற்பட்டது.

புதன்கிழமை (28) காலை முதல் தொடர் உண்ணாவிரத போராட்டத்தில் ஈடுபட்ட தொண்டர் ஆசிரியர்கள், வடமாகாண ஆளுநர் அலுவலத்தின் மூன்று கதவினையும் பூட்டி உண்ணாவிரத போராட்டத்தினை  முன்னெடுத்தார்கள்.

அதன்போது, ஆளுநரின் செயலாளர் இ.இளங்கோவனுக்கும், தொண்டர் ஆசிரியர்களுக்கும் இடையில் சிறு கருத்து முரண்பாடு ஏற்பட்டது.

அதனையடுத்து சம்பவ இடத்துக்குச் சென்ற பொலிஸார், “அலுவலகத்தின் கதவினை மூட முடியாது, எனினும், நீங்கள் உங்களின் உண்ணாவிரத்தினை முன்னெடுக்க முடியும்” கூறினர். பொலிஸாருடன் 30 நிமிடங்கள் இடம்பெற்ற கலந்துரையாடலையடுத்து ஆசிரியர்கள் கதவினை திறந்து விட்டார்கள்.