உருக்குலைந்த நிலையில் ஆணின் சடலம் மீட்பு

-செல்வநாயகம் கபிலன்

நெடுந்தீவு 2ஆம் வட்டார கடற்பரப்பில், உருக்குலைந்த நிலையில் ஆணின் சடலம் ஒன்று திங்கட்கிழமை (06) கரையொதுங்கியுள்ளதாக நெடுந்தீவு பொலிஸார் தெரிவித்தனர்.

கரையொதுங்கிய சடலம் அடையாளம் காணமுடியாதவாறு உருக்குலைந்த நிலையில் காணப்படுவதாக பொலிஸார் தெரிவித்தனர்.

நீல நிற சாரம், சிவப்பு நிற ரீசெட் அணிந்த நிலையில் கரையொதுங்கியுள்ள இந்தச் சடலம், சுமார் 45 வயது மதிக்கத்தக்க ஆண் ஒருவராக இருக்கலாம் என பொலிஸார் தெரிவித்தனர்.  

இது இந்திய மீனவருடைய சடலமா? அல்லது இலங்கை மீனவருடைய சடலமா? என்பது தொடர்பில் நெடுந்தீவு பொலிஸார் விசாரணைகளை மேற்கொண்டு வருகின்றனர்.