‘எதிர்கால ஈடேற்றத்துக்காக மே – 18 நினைவுகூரப்பட வேண்டும்’

“முள்ளிவாய்க்கால் – மே 18 நினைவுகூரல் நிகழ்வு, ஒரு நாள் சடங்காக அமையாமல், பாதிக்கப்பட்ட மக்களின் நிகழ்கால, எதிர்கால ஈடேற்றத்துக்கான நிகழ்வாக அமைய வேண்டும். இந்த நிகழ்வானது இழந்த உறவுகளுக்கு அஞ்சலி செலுத்துவதுடன் மட்டும் நிறைவடைந்து விடக் கூடாது. உறவுகளை இழந்த மக்களின் உளத்தை ஆற்றுப்படுத்துவதுக்கும் அவர்களுடைய அரசியல் மற்றும் வாழ்க்கையை  ஈடேற்றுவதற்குமாக அமைவது அவசியமாகும்” என சமத்துவம் சமூக நீதிக்கான மக்கள் அமைப்பின் தலைவர் மு.சந்திரகுமார் தெரிவித்துள்ளார்.

இது தொடர்பில் இன்று (14) அவர் வெளியிட்டுள்ள செய்திக்குறிப்பிலேயே இவ்வாறு தெரிவித்துள்ளார்.