கப்பலில் தீ

-எம். றொசாந்த், செந்தூரன் பிரதீபன், எஸ்.நிதர்ஷன்

யாழ்ப்பாணம், மயிலிட்டி கடலில் நங்கூரமிட்டிருந்த கப்பலொன்றில், திடீர் தீ பரவல் ஏற்பட்டுள்ளது.

இந்தச் சம்பவம், இன்று (18) அதிகாலை 1 மணியளவில் இடம்பெற்றுள்ளது.

மயிலிட்டி கடலில், பழுதடைந்த நிலையில் நங்கூரமிடப்பட்டு இருந்த கப்பலே, இவ்வாறு தீ பிடித்துள்ளது.

இந்நிலையில், இன்று அதிகாலை முதல், கடற்படையினர் தீயைக் கட்டுப்படுத்துவதற்கான முயற்சிகளில் ஈடுபட்டபோதிலும், தீயைக் கட்டுப்பாட்டுக்குள் கொண்டு வரமுடியாமல் போனது. இதனால், இன்று பகல் கப்பலின் இயந்திர பகுதிக்கு தீ பரவியுள்ளது.