காணியை அடையாளம் காண அங்கிகாரம்

-எஸ்.குகன்

நல்லூர் பிரதேசசபையின் சுற்றுலாத்துறை அபிவிருத்திக்கு, அரியாலை கிழக்கு கடற்கரை பகுதியில் காணியை அடையாளம் காண, சபை அங்கிகாரம் வழங்கியுள்ளது.

நல்லூர் பிரதேச சபையின் மூன்றாவது அமர்வு, சபை மண்டபத்தில் தவிசாளர் த.தியாகமூர்த்தி தலைமையில் அண்மையில் நடைபெற்றது.

இதன் போது கருத்துத் தெரிவித்த தவிசாளர்,

பிரதேசசபையின் சுற்றுலாத்துறையை அபிவிருத்தி செய்யும் நோக்கில், அரியாலை கிழக்கு கடற்கரை பிரதேசம் இனங்காணப்பட்டுள்ளதாகத் தெரிவித்த அவர், இவ்வாறு இனங்காணப்பட்ட பகுதிகளில் உள்ள அரச காணி மற்றும் தனியார் காணிகளில் இருந்து, சுற்றுலாத்துறைக்கு பொருத்தமான காணியை அடையாளப்படுத்த சுற்றுலா அபிவிருத்திக் குழு, சபையின் அங்கிரத்தை கோரியுள்ளதாகவும் எனவே, சபை அங்கிகாரம் கோரப்படுகின்றதெனவும் குறிப்பிட்டார்.

இதற்கு அனைத்து உறுப்பினர்களும் ஆதரவை வழங்கியதையடுத்து, அரியாலை கிழக்கு கடற்கரை பகுதியில், காணியை அடையாளம் காண, சபை அங்கிகாரம் வழங்கியது.