கோப்பாய் பிரதேச செயலர் பிரிவில் 51 வேலைத்திட்டங்கள்

-எஸ்.குகன்

வலி கிழக்கு கோப்பாய் பிரதேச செயலர் பிரிவில் கிராமத்துக்கு மில்லியன் ரூபாய் வேலைத்திட்டத்தின் கீழ் 51 வேலைத்திட்டங்கள் மேற்கொள்ளப்பட்டு வருவதாக, என கோப்பாய் பிரதேச செயலர் எம்.பிரதீபன் தெரிவித்தார்.

கிராம அலுவலர் பிரிவு ஒவ்வொன்றுக்கும் பத்து 10 இலட்சம் ரூபாய் செலவில் அபிவிருத்தி வேலைகளை மேற்கொள்வதற்கு ஒதுக்கப்பட்ட நிதியைக் கொண்டு,  கோப்பாய் பிரதேச செயலக பிரிவிலுள்ள 31 கிராம அலுவலர் பிரிவிலும் 51 வேலைகள் முன்னெடுக்கப்பட்டு வருவதாக அவர் மேலும் தெரிவித்தார்.

31 கிராம அலுவலர் பிரிவுகளில் சில கிராம அலுவலர் பிரிவுகளில் 10 இலட்சம் ரூபாய் நிதியை பங்கீடு செய்து இரண்டு வேலைத்திட்டங்கள் மேற்கொள்ளப்படுகின்றன.

அந்த வகையிலேயே 51 வேலைத்திட்டங்கள் முன்னெடுக்கப்படுகின்றன என அவர் மேலும் தெரிவித்துள்ளார்.