சாவகச்சேரியில் கை வைத்த நிலாவெளி வாசி கைது

-செல்வநாயகம் கபிலன்

சாவகச்சேரி நகரப் பகுதியில், மோட்டார் சைக்கிள் மற்றும் அலைபேசியைத் திருடிய நபர் ஒருவரை, இன்று (22) கைது செய்துள்ளதாக, சாவகச்சேரி பொலிஸார் தெரிவித்தனர்.  

திருகோணமலை - நிலாவெளி பகுதியைச் சேர்ந்த நபர் ஒருவரே இவ்வாறு கைதுசெய்யப்பட்டுள்ளார். 

சாவகச்சேரி நகரப் பகுதியில் நேற்று (21) நிறுத்தி வைக்கப்பட்டிருந்த 50 ஆயிரம் ரூபாய் பெறுமதியான மோட்டார் சைக்கிள் மற்றும் 15 ஆயிரம் ரூபாய் பெறுமதியான அலைபேசி என்பன கொள்ளையடிக்கப்பட்டன.  

இது தொடர்பில், பொலிஸ் நிலையத்தில் செய்யப்பட்ட முறைப்பாட்டின் பிரகாரம், விசாரணைகளை மேற்கொண்ட பொலிஸார், பிரதேசத்தில் பொருத்தியிருந்த சி.சி.டி.வி கமெராக்களின் உதவியுடன், சந்தேகநபரை கைதுசெய்துள்ளனர்.