சைவப்புலவர் பரீட்சைகளை நடத்த ஏற்பாடு

-எஸ்.குகன்

கொரோனா அச்சம் காரணமாக ஒத்திவைக்கப்பட்ட அகில இலங்கை சைவப்புலவர் சங்கத்தின் 2020ஆம் ஆண்டுக்கான இளஞ்சைப்புலவர் மற்றும் சைவப்புலவர் பரீட்சைகள், ஒக்டோபர் 30, 31ஆம் திகதிகளிலும் நவம்பர் 1ஆம் திகதியிலும் நடைபெறவுள்ளன.

இதற்கமைய, ஒக்டோபர் 30ஆம் திகதி பிற்பகல் 1 - 4 மணி வரை சாத்திரமும், 31ஆம் திகதி முற்பகல் 9 மணி முதல் நண்பகல் 12 மணி வரை இலக்கியமும் அன்றைய தினம்  பிற்பகல் 1 – 4 மணி வரை  வரலாறும் நடைபெறும்.

மறுநாள் 1ஆம் திகதி முற்பகல் 9 மணி முதல் நண்பகல் 12 மணிவரை,  இலக்கணமும், அன்றைய தினம் பிற்பகல் 1 - 4  வரை  உரைநடையும் நடைபெறவுள்ளன.

மேலும் பரீட்சைகள் யாவும் யாழ்ப்பாணம் வண்ணை நாவலர் மகா வித்தியாலயத்திலும் மட்டக்களப்பு ஆணைப்பந்தி இந்து மகளிர் கல்லுரியிலும் நடைபெறும்.