தங்கம், வலம்புரி சங்குடன் மூவர் கைது

எஸ்.றொசேரியன் லெம்பேட்

மன்னார், பேசாலை  கடற்பரப்பில் கடற்படையினர் மேற்கொண்ட விசேட நடவடிக்கையின் போது, நாட்டிலிருந்து கடத்த முயன்ற சுமார் 470 கிராம் தங்கம் மற்றும் சங்கு வலம்புரி கைப்பற்றப்பட்டன.

இதனுடன் தொடர்புடைய 03 சந்தேக நபர்கள் கடற்படையினரால் கைது செய்யப்பட்டுள்ளனர்.

பேசாலை  கடற்கரையில் இருந்து சந்தேகத்துக்கிடமான வகையில் பயணித்த  டிங்கி படகு ஒன்றை, கடற்படையினர் பரிசோதித்த போது, அதிலிருந்து 470 கிராம் தங்கம் மற்றும் வலம்புரிச் சங்கு ஆகியவற்றை கடற்படையினர் மீட்டதுடன், அதில் பயணித்த சந்தேகநபர்கள் மூவரை கைதுசெய்தனர்.

சந்தேகநபர்கள் 24 முதல் 39 வயதுக்குட்பட்ட புத்தளம் மற்றும் பேசாலை பிரதேசங்களை சேர்ந்தவர்கள் என அடையாளம் காணப்பட்டுள்ளனர்.

கைப்பற்றப்பட்ட தங்கத்தின் சந்தை மதிப்பு ரூ. 09 மில்லியன் என கடற்படையினர் தெரிவித்தனர்.