திட்ட அறிக்கை கையளிப்பு

-எஸ்.நிதர்ஷன், எம்.றொசாந்த்

ஆராய்ச்சி நூலகத்துக்கான திட்ட அறிக்கையை, தமிழகக் கல்வி அமைச்சர் கே.ஏ. செங்கோட்டையனிடம் வடக்கு மாகாண கல்வி அமைச்சர் கந்தையா சர்வேஸ்வரன் கையளித்தார்.

தமிழகக் கல்வி அமைச்சர் கே.ஏ. செங்கோட்டையன் மற்றும் வடக்கு மாகாண கல்வி அமைச்சர் கந்தையா சர்வேஸ்வரன்  ஆகியோருக்கு இடையிலான சந்திப்பு, காரியாலயத்தில், செவ்வாய்க்கிழமை (18) நடைபெற்றது.

இதன்போதே, ஆய்வு நூலகம் அமைப்பதற்கான ஆவணங்கள் கையளிக்கப்பட்டன.

இதனைப் பெற்றுக்கொண்ட தமிழக கல்வி அமைச்சர், அவற்றை தமிழக முதல்வரிடமும் உயர்க் கல்வி அமைச்சரிடமும் கையளித்து, உரிய நடவடிக்கை எடுப்பதாக உறுதியளித்தார்.