தையிட்டியில் வெடிபொருட்கள் மீட்பு

அண்மையில் விடுவிக்கப்பட்ட, யாழ். தையிட்டி கிழக்கு பகுதியிலுள்ள கிணறொன்றிலிருந்து ஒரு தொகுதி வெடிபொருட்கள் நேற்று  (25) மீட்கப்பட்டுள்ளதாக காங்கேசன்துறை பொலிஸார் தெரிவித்தனர்.

வீட்டு உரிமையாளர், விடுவிக்கப்பட்டிருந்த தனது கிணற்றை இறைத்து துப்பரவுப் பணியில் ஈடுபட்டிருந்தபோது மேற்படி வெடிபொருட்கள் தென்பட்டுள்ளன. இது தொடர்பில் அருகிலுள்ள இராணுவ முகாமுக்கு தகவல் வழங்கப்பட்டதையடுத்து, பொலிஸார் வெடி பொருட்களை மீட்டனர்.

துப்பாக்கி ரவைகள், வெடிபொருள் அடங்கிய 70 பெட்டிகள் மீட்கப்பட்டுள்ளன. இராணுவத்தின் உதவியுடன் வெடிபொருட்களை அழிப்பதற்கு நடவடிக்கை மேற்கொள்ளப்பட்டுள்ளது.