நல்லூரில் போராட்டங்களுக்கு தடை

எம்.றொசாந்த்   

நல்லூர் ஆலய சூழலில், போராட்டங்கள் மற்றும் கூட்டங்கள் நடத்துவதற்கு, முற்றாக தடை விதிக்கப்பட்டுள்ளதாகக் கூறி, அறிவிப்புப் பலகையொன்று வைக்கப்பட்டுள்ளது.  

யாழில் இடம்பெறும் கவனயீர்ப்பு ஆர்ப்பாட்டங்களில் பெரும்பாலானவை, நல்லூர் ஆலய சூழலிலேயே இடம்பெற்று வருகின்றன. காணாமல் ஆக்கப்பட்டோரின் தகவல்களை வெளியிடக்கோரி, வவுனியாவில் முன்னெடுக்கப்பட்டு வரும் உண்ணாவிரதப் போராட்டத்துக்கு ஆதரவுத் தெரிவித்து, நேற்று நல்லூர் ஆலய சூழலில் அடையாள உண்ணாவிரதப் போராட்டம் முன்னெடுக்கப்பட்டது.   

இந்நிலையிலேயே, ஆலய சூழலில் போராட்டங்கள், கூட்டங்கள் நடத்துவதற்கு முற்றாக தடை விதிக்கப்பட்டு உள்ளதாகக் கூறி, அறிவிப்புப் பலகை வைக்கப்பட்டுள்ளது.