நாமலிடம் மகஜர் கையளிப்பு

-எஸ்.நிதர்ஷன்

அனைத்து தமிழ் அரசியல் கைதிகளையும் விடுவிக்குமாறு கோரி, விளையாட்டுத்துறை அமைச்சர் நாமல் ராஜபக்ஷவிடம்,   தமிழ் அரசியல் கைதிகளின் பெற்றோர், உறவினர்கள் ஆகியோர் மகஜரொன்றை கையளித்துள்ளனர்.

யாழ்ப்பாணம் மாவட்டத்துக்கு, நேற்று (27) விஜயம் மேற்கொண்டிருந்த அமைச்சர் நாமல் ராஜபக்ஷவை  தமிழ் அரசியல் கைதிகளின் பெற்றோர் உறவினர்கள், அரசியல் கைதிகளாக இருந்து அண்மையில் விடுதலையானவர்கள் ஆகியோர் சந்தித்து கலந்துரையாடினர்.

இதன்போதே, அனைத்து தமிழ் அரசியல் கைதிகளையும் விடுவிக்குமாறு கோரி, அமைச்சரிடம் மகஜர் கையளிக்கப்பட்டது.