பல்கலைக்கழக வளாகத்துக்குள் வாள்களுடன் நுழைந்து அச்சுறுத்தல்

-எஸ்.நிதர்ஸன்

யாழ்ப்பாண பல்கலைகழகத்துக்குள் வாள்களுடன், மோட்டார் சைக்கிளில் சென்ற நால்வர்,  கலைப்பீட மூன்றாம் வருட மாணவர்களை புதன்கிழமை மாலை அச்சுறுத்தியுள்ளனர்.

கலைப்பீட மூன்றாம் வருட மாணவர்களுக்கு இடையில் ஏற்பட்ட முரண்பாட்டையடுத்து, மாணவர்களில் ஒருவர், குறித்த குழுவினரை அழைத்து வந்து ஏனைய மாணவர்களை அச்சுறுத்தியுள்ளதாக​தெரிவிக்கப்படுகின்றது.

இதன்போது, பல்கலைக்கழக வாசலில் வைத்து,  மாணவர்களுக்கு கூரிய வாள் போன்ற ஆயுதங்களை காட்டியும், “எமக்கு ஆவா குழுவைத் தெரியும்” என கூறியும் அச்சுறுத்தியுள்ளார்.

இதனையடுத்து, அங்கு அதிகமான பல்கலைகழக மாணவர்கள் ஒன்றுசேரவே, குறித்த கும்பல் அங்கிருந்து கலைந்து சென்றுள்ளதாக, சம்பவத்தினை நேரில் பார்த்தவர்கள் தெரிவித்தனர்.

குறித்த சம்பவம் தொடர்பாக, கோப்பாய் பொலிஸ் நிலையத்தில் முறைப்பாடு ஒன்றை பதிவு செய்யவுள்ளதாக மாணவர்களால் தெரிவித்துள்ளனர்.