பெண் வேட்பாளருக்கு அச்சுறுத்தல்

யாழ்.மாநகர சபை தேர்தலில் போட்டியிடும், தமிழர் விடுதலை கூட்டணியின் பெண் வேட்பாளர் ஒருவரை, ஆறு பேர் கொண்ட கும்பல் ஒன்று மிரட்டியதாக முறைப்பாடு பதிவு செய்யப்பட்டுள்ளது என யாழ்ப்பாணம் பொலிஸார் இன்று (06) தெரிவித்தனர்.

‘தனது வீட்டுக்கு கடந்த ஞாயிற்றுக்கிழமை (04) மாலை ஆறு பேர் கொண்ட குழு ஒன்று வந்து, இந்த தேர்தலில் போட்டியிடாமல் விலகிக் கொள்ளுமாறு மிரட்டிச் சென்றனர்’ என குறித்த பெண் வேட்பாளர் தனது முறைப்பாட்டில் தெரிவித்துள்ளார்.

முறைப்பாட்டின் பிரகாரம் பொலிஸார் விசாரணைகளை மேற்கொண்டு வருகின்றனர்.