புனர்வாழ்வு பெற்ற முன்னாள் போராளிகளுடனான கலந்துரையாடல்

வி.தபேந்திரன்

வடமாகாண கிராம அபிவிருத்தி திணைக்களத்தின் கிளிநொச்சி மாவட்ட அலுவலகத்தால், புனர்வாழ்வு பெற்ற முன்னாள் போராளிகளில் வாழ்வாதார உதவி வழங்குவதற்காக 2ஆம் கட்டத்துக்கு தெரிவு செய்யப்பட்டவர்களுக்கான கலந்துரையாடல்,  எதிர்வரும் 15ஆம் திகதி வியாழக்கிழமை 10 மணிக்கு கரைச்சி பிரதேச சபை மண்டபத்தில் நடைபெறவுள்ளது.

இதன்போது, வடமாகாண கிராம அபிவிருத்தி, மீன்பிடி அமைச்சர் பா.டெனீஸ்வரன் பயனாளிகளைச் சந்தித்துக் கலந்துரையாடவுள்ளார்.

கிளிநொச்சி மாவட்டத்திலிருந்து தெரிவு செய்யப்பட்ட முன்னாள் போராளிகள் அனைவரையும் கலந்து கொள்ளுமாறு கிளிநொச்சி மாவட்ட கிராம அபிவிருத்தி அலுவலர் நா.பஞ்சலிங்கம் தெரிவித்தார்.