மன்னாரில் 66 டெங்கு நோயாளர்கள்

-எஸ்.றொசேரியன் லெம்பேட்

மன்னார் சுகாதார வைத்திய அதிகாரி பிரிவில் கடந்த 2015ஆம் ஆண்டு 66 டெங்கு நோயாளர்கள் அடையாளம் காணப்பட்டுள்ளதாக மன்னார் பிராந்திய பொதுசுகாதார வைத்திய அதிகாரி வைத்தியர் ரூபன் லெம்பேட் தெரிவித்தார்.

இதில், கடந்த வருடம் டிசெம்பர் மாதம் மாத்திரம் சுமார் 18 டெங்கு நோயாளர்கள் அடையாளம் காணப்பட்டுள்ளனர்.

இவ்வருடம், ஜனவரி மாதம் முதலாம் திகதி தொடக்கம் தற்போது வரை மன்னார் சுகாதார வைத்திய அதிகாரி பிரிவில் 11 டெங்கு நோயாளர்கள் அடையாளம் காணப்பட்டுள்ளனர்.

இந்நிலையில், மன்னார் நகரில் டெங்கு காய்ச்சலின் தாக்கம் காணப்படுகின்ற 14 கிராமங்கள் அடையாளம் காணப்பட்டு விசேட டெங்கு ஒழிப்பு வேலைத்திட்டங்கள் மேற்கொள்ளப்பட்டு வருவதாகவும் அவர் மேலும் தெரிவித்தார்.