மானிப்பாய் - உடுவில் வீதியில் 100 கி.கி கேரளா கஞ்சா மீட்பு

-எஸ்.நிதர்ஷன், டி.விஜித்தா, என்.ராஜ்

மானிப்பாய் - உடுவில் வீதியில், இன்று (12) அதிகாலை, விசேட அதிரடிப் படையினர் மேற்கொண்ட திடீர் சோதனை நடவடிக்கையின் போது, 100 கிலோகிராம் கேரளா கஞ்சா மீட்கப்பட்டுள்ளது.   

அவ்வீதி வழியே வந்த டிப்பர் வாகனமொன்றை வழிமறித்து சோதனை செய்த போதே, அதிலிருந்து கேரளா கஞ்சா மீட்கப்பட்டுள்ளதாக, விசேட அதிரடிப் படையினர் தெரிவித்தனர்.   

இதன்போது, டிப்பர் சாரதி சம்பவ இடத்தில் இருந்து தப்பிச் சென்றுள்ளார்.   

இவ்வாறு மீட்கப்பட்ட கேரளா கஞ்சாவையும் டிப்பர் வாகனத்தையும், விசேட அதிரடிப் படையினர், மானிப்பாய் பொலிஸாரிடம் ஒப்படைத்துள்ளனர்.