முன்னாள் ஜனாதிபதியை, ஜனாதிபதியாக்கிய பொதுஜன முன்னணி

முன்னாள் ஜனாதிபதி மஹிந்த ராஜபக்ஷவை “ஜனாதிபதி" என்றே ஸ்ரீலங்கா பொதுஜன முன்னணியின் யாழ்.மாவட்ட அமைப்பாளர் உள்ளிட்ட அக்கட்சியின் பெரும்பாலான வேட்பாளர்கள் விழித்து உரை நிகழ்த்தினர்.

யாழ்.வீரசிங்கம் மண்டபத்தில் இன்று (01) ஸ்ரீலங்கா பொதுஜன முன்னணியின் தேர்தல் பிரச்சார கூட்டம் நடைபெற்றது.

அக்கூட்டத்தில் உரையாற்றிய அக்கட்சியின் அமைப்பாளர்; உள்ளிட்ட பெரும்பாலான வேட்பாளர்கள், “எங்கள் ஜனாதிபதி மஹிந்த ராஜபக்ஷ, தேர்தலில் வென்றால், ஜனாதிபதி மஹிந்த ராஜபக்ஷவுடன் பேசி அபிவிருத்திகளை முன்னெடுப்போம்” என உரை நிகழ்த்தினார்கள்.

அதேவேளை மண்டபத்தில் முன்னாள் ஜனாதிபதியை வரவேற்று வைக்கப்பட்டு இருந்த பதாகைகளிலும் "அதிமேதகு ஜனாதிபதி மஹிந்த ராஜபக்ஷ" என்றே எழுதபட்டு இருந்தது.