மோட்டார் குண்டுகள் மீட்பு

புன்னாலைக்கட்டுவன் வடக்கு பிள்ளையார் கோயிலடியில் உள்ள வீட்டுக்காணி ஒன்றில் இருந்து 60 மில்லிமீற்றர் ரக மோட்டார் குண்டுகள் இரண்டு இன்று (09) கைப்பற்றப்பட்டுள்ளதாக சுன்னாகம் பொலிஸார் தெரிவித்தனர்.

யுத்த காலத்தின்போது, குறித்த பகுதியில் இருந்த வீட்டை இராணுவத்தினர் பயன்படுத்தினர்.

இராணுவத்திடமிருந்து விடுவிக்கப்பட்ட காணியில், நேற்று (08) துப்பரவு பணியை மேற்கொண்டபோது, மோட்டார் குண்டுகள் இரண்டு தென்பட்டுள்ளது.

இது தொடர்பில் சுன்னாகம் பொலிஸாருக்குத் தகவல் தெரிவிக்கப்பட்டதையடுத்து, நீதிமன்ற உத்தரவைப் பெற்ற பொலிஸார், பொலிஸ் விசேட அதிரடிப்படையினரின் உதவியுடன் குண்டுகளை மீட்டனர்.