ரயில் மோதி வயோதிபர் பலி

-செல்வநாயகம் கபிலன்

சுன்னாகம் பகுதியிலுள்ள பாதுகாப்பான ரயில் கடவையில் இன்று திங்கட்கிழமை (23) ரயில் மோதி 70 வயது மதிக்கத்தக்க வயோதிபர் ஒருவர் பலியாகியுள்ளதாக சுன்னாகம் பொலிஸார் தெரிவித்தனர்.

ரயில் வருவதற்காக கடவை மூடப்பட்டிருந்த நிலையில், மேற்படி வயோதிபர், கடவையின் கீழாக குனிந்து ரயில் பாதையைக் கடக்க முற்பட்ட போது, கொழும்பிலிருந்து காங்கேசன்துறை நோக்கிச் சென்ற ரயில் மோதியுள்ளது.

உயிரிழந்தவர், இன்னமும் அடையாளங் காணப்படவில்லையெனவும் மேலதிக விசாரணைகளை மேற்கொண்டு வருவதாகவும் பொலிஸார் கூறினர்.