வடக்கின் வீடமைப்புக்கு 9 மில்லியன் ஒதுக்கீடு

எஸ்.ஜெகநாதன்

போரால் பாதிக்கப்பட்ட வறுமைக்கோட்டுக்குட்பட்ட குடும்பங்களுக்கு வீடுகள் அமைத்துக் கொடுப்பதற்காக 2016ஆம் ஆண்டு வடமாகாண சபையின் வரவு -செலவுத் திட்டத்தில் வடமாகாண முதலமைச்சர் நிதியில் 9 மில்லியன் ரூபாய் நிதி ஒதுக்கீடு செய்யப்பட்டுள்ளது.

வடமாகாண சபையின் 2016ஆம் ஆண்டுக்கான வரவு-செலவுத்திட்டம் தொடர்பான அமர்வு, கைதடியில் அமைந்துள்ள வடமாகாண சபையில் கடந்த செவ்வாய்க்கிழமை (15) முதல் நடைபெற்று வருகின்றது. இந்நிலையில், முதலமைச்சருக்கு கீழுள்ள அமைச்சுக்களுக்கு ஒதுக்கப்பட்ட நிதி தொடர்பான விவரத்திலேயே குறித்த நிதியொதுக்கீட்டு விடயமும் குறிப்பிடப்பட்டுள்ளது.

2015 வரவு-செலவுத்திட்டத்தில்;, 5 மில்லியன் ரூபாய் ஒதுக்கப்பட்டு, வறுமைக்கோட்டுக்குட்பட்ட 8 குடும்பங்களுக்கு புதிய வீடுகள் அமைத்துக் கொடுக்கப்பட்டதுடன், 1 வீடு திருத்திக் கொடுக்கப்பட்டது.

இம்முறை 4 மில்லியன் அதிகரிக்கப்பட்டுள்ளமையால், புதிய வீடுகளின் எண்ணிக்கையை அதிகரிக்க முடியும் என்பதுடன், வீடுகளுக்கு கன்னார் கூரைத்தகடுகளுக்கு பதிலாக ஓடுகள் போட்டுக் கொடுக்கப்படும் என முதலமைச்சர் சி.வி.விக்னேஸ்வரன் தெரிவித்தார்.