வட்டுக்கோட்டையில் கேரள கஞ்சாவுடன் ஒருவர் கைது

யாழ்ப்பாணம், வட்டுக்கோட்டை பொலிஸ் பிரிவுக்கு உட்பட்ட சுழிபுரம் வீதியில் 8 கிலோ 605 கிராம் கேரள கஞ்சா வைத்திருந்த ஒருவரை பொலிஸார் நேற்று (06) இரவு கைது செய்துள்ளனர்.

பொலிஸாருக்குக் கிடைத்த இரகசியத் தகவலையடுத்து இவர் கைது செய்யப்பட்டுள்ளார்.

சந்தேக நபர் காட்டுப்புலம் பகுதியைச் சேர்ந்த 38 வயதுடைய நபர் எனவும் அவரை இன்றைய தினம் மல்லாகம் நீதவான் நீதிமன்றத்தில் ஆஜர்படுத்தவுள்ளதாகவும் பொலிஸ் ஊடகப் பிரிவு தெரிவித்துள்ளது.